viernes, 22 de febrero de 2019


Laster dok hamahiru

Hamabigarren legegintzaldiari agur esaten ari gatzaizkio eta laster beste bati kaixo esan beharko diogu: hamahirugarrenari. Askok zorigaiztoko zenbakitzat duten horrek zer hondamendi ekarriko digun zain egon gabe, Alderdi Popularrak Senatuko azken Osoko Bilkuran demokrazia eta legearen oinarriak kolpatzen dituen ekimena ekarri digu asteon, eta kezkagarriagoa dena, Euskadiko autogobernuaren aurka egiten duena.

Ez naiz hemen gehiegi luzatuko gertatutakoaz, ostiraleroko txoko honetan testu laburrak argitaratu ohi ditudalako eta, gaurkoan bereziki, bihar bertan Diario Vascoko iritzi artikulu baten luze eta zabal arituko naizelako honetaz. Honezkero jakingo duzuenez, PPk –Foro Asturias, Ciudadanos eta Unión del Pueblo Navarroren babesarekin- mozio bat onartu du Gernikako Autonomia Estatutua bete ez dadin eskatzeko; a zer nolako burugabekeria!

Laster datorkigu hamahirugarren legegintzaldia. Ni ez naiz superstiziosoa -lagun batek esaten duen moduan, zorte txarra ematen duelako-, baina entzuten ari garenak entzunda, garai berria laino beltzekin dator. Talde indartsua beharko dugu Madrilen inguruotako ekaitza politikoari aurre egiteko!

1 comentario: